"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

Бобур асарлари билимдони

Ўқилди: 361

Қорақалпоғистон Республикаси Элликқалъа туманида Заҳириддин Муҳаммад Бобур таваллудининг 534 йиллигига бағишлаб “Бобур асарлари билимдони” танлови ўтказилди.

Туман ҳокимлиги, “Камолот” ёшлар ижтимоий ҳаракати туман кенгаши, Заҳириддин Муҳаммад Бобур номидаги халқаро жамоат фондининг Қорақалпоғистон Республикаси бўлими томонидан ташкил этилган танловнинг якуний босқичида Бобур асарларининг 36 билимдони иштирок этди.

– Юксак маънавият, бурч ва адолат, эзгулик ва мардлик каби мавзулар тараннум этилган Бобур асарлари ёшларни ҳар томонлама баркамол шахс сифатида тарбиялашда муҳим аҳамиятга эга, – дейди “Камолот” ёшлар ижтимоий ҳаракати туман кенгаши раиси Ж.Болтаев. – Туман миқёсида ўтказилган танловнинг қуйи босқичларида умумтаълим мактаблари, академик лицей ва касб-ҳунар коллежларининг 360 дан ортиқ ўқувчиси фаол иштирок этди. Улар орасида Бобурнинг рубоий ва ғазалларини ёд олган, “Бобурнома” асаридаги тарих, география, этнографияга оид маълумотларни, темурийлар ва бобурийлар сулоласини тўлиқ биладиган ёшлар борлиги таҳсинга лойиқ.

Академик лицей ва касб-ҳунар коллежлари ўқувчилари ўртасидаги танловда Бўстон академик лицейи ўқувчиси Г.Рейимбоева биринчи ўринни эгаллади. Иккинчи ўрин Элликқалъа тиббиёт коллежи ўқувчиси С.Болтабоевага, учинчи ўрин Бўстон ижтимоий-иқтисодиёт касб-ҳунар коллежи ўқувчиси Р.Юсуповга насиб этди.

Умумтаълим мактаблари ўқувчилари ўртасида 4-давлат ихтисослаштирилган мактаби ўқувчиси Э.Қултасова биринчи ўринга лойиқ топилди. 22-умумтаълим мактаби ўқувчиси С.Тўхтабоева иккинчи, 34-умумтаълим мактаби ўқувчиси М.Ўрозбоева учинчи ўринни эгаллади.

Ғолиблар диплом ва эсдалик совғалари билан тақдирланди.

 

Аминбой Ортиқбоев, ЎзА
Сайт бўлими: Ўзбек адиблари

Қўшимча:

Ўзбекистон Миллий кутубхонасида “Звезда Востока” журналининг 85 йиллигига бағишланган тадбир бўлиб ўтди Ўзбекистон Миллий кутубхонасида “Звезда Востока” журналининг 85 йиллигига бағишланган тадбир бўлиб ўтди
Александр ФАЙНБЕРГ, Ўзбекистон халқ шоири Александр ФАЙНБЕРГ, Ўзбекистон халқ шоири
СИРОЖИДДИН САЙЙИД  (1958) СИРОЖИДДИН САЙЙИД (1958)
САМАРҚАНДДА КЎЧМА ЙИҒИЛИШ САМАРҚАНДДА КЎЧМА ЙИҒИЛИШ