"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

ИЖОД САҲНИДА

Ўқилди: 376

«ҚАРДОШИМ МЕНИНГ»

Кўкда учган бургутга боқ,

Унинг шони — бу осмони.

Гарчи ёлғиз кўринсам гоҳ,

Тангри берган бир фидони.

У бир-ла тўй, ошим менинг,

Туркманим тўрдошим менинг.

 

Меҳр тушган бир хонада,

Мезбон менга қимиз тутган.

Ўтов деган пирхонада,

Бешбармоқлар қилиб кутган.

Инонган сирдошим менинг,

Ул қозоқ қардошим менинг.

 

Дуч келмадим ёмон билан,

Қуда-анда бўлиб ёққан.

Боболари бобом билан,

Қир далада йилқи боққан.

Ўхшаса кўз-қошим менинг,

Қирғизим қирдошим менинг.

 

Товонига тош тегмасин,

Кўрмай алам-дардларини,

Мағрур иним бош эгмасин,

Оғам дедим мардларини.

Тожиму ёндошим менинг,

Тожигим қондошим менинг.

 

Ёлғизликка мен ёр эмас,

Фахрим кўринг садоқатда.

Бир Худога хуш келса, бас,

Шу билан мен саодатда.

Беқасам тўн, белда белбоғ,

Дўппи кийган шарофатда,

Иймонга издошим менинг,

Ўзбегим ўз бошим менинг.

 

Отанг ким деб сўргувчига,

Одам Ато дегум доим.

Волидамни билгувчига,

Момо Ҳаво менинг ойим.

Заминим ер, самоим бир,

Шамсу ҳилол, бир Худойим.

Беназир таққосим менинг,

Яратган Наққошим менинг.

 

Абдулазиз РУСТАМ ўғли

Сайт бўлими: Ўзбек шеърияти

Қўшимча:

Адиб Саид Аҳмадни хотирлаб Адиб Саид Аҳмадни хотирлаб
Навоий сиймосига эҳтиром Навоий сиймосига эҳтиром
Адабий дўстлик  –  абадий дўстлик Адабий дўстлик – абадий дўстлик
Ёшлар кутган учрашув Ёшлар кутган учрашув