"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

“ПАХТАКОР -79” футбол жамоаси хотирасига

Ўқилди: 155

                                                  

                                                                              Александр ФАЙНБЕРГ

 

                                             “ПАХТАКОР -79”

                                     футбол жамоаси хотирасига

 

Чимзорда ўйнайди, ўйнайди шамол,

Тўп учар, тўп учар бамисли хаёл.

Нақадар зўр зарба дарвоза томон,

Ҳаётни гол билан ютади футбол.

 

Тўр титрар, гувиллар селдек оломон,

Ёшгина ҳужумчи югурар шодон.

Унинг-чун очиқдир энди шарқу ғарб,

Очиқдир шимолу жануб бегумон.

 

Агарда билмасанг олдда нелар бор,

Ишонгин, ноумид бўлмагин зинҳор.

Шунчаки Минскка учар самалёт,

Сен уни кузатиб қўйгин интизор.

 

Орамизда ким у асли чемпион?

Балки мен, балки у  –  қисматга аён.

Парвоз майдонидек интиқ кузатиб,

Хайрлашиб қолар пастда стадион.

 

Биз учдик, биз учдик кум-кўк осмонда,

Музаффар бўлгаймиз ўзга майдонда.

Ким аввал, ким кейин туғилдик, аммо

Чемпион бўлгаймиз бирлашган онда.

 

Қанотлар остида баланд ҳарорат,

Бу ўйин зўр бўлар, кўрсат маҳорат.

Жарима майдонин кесиб чап ёндан,

Тўпни ўнг қанотга тепиб ҳаволат.

 

Осмонда тарқалди тўқнашув абри,

Худо синар экан банданинг сабрин.

Қоидани бузди кимдир шунчаки,

Биз-чи тортдик ноҳақ жарима жабрин.

 

Майсазорда шамол йиғлайди ҳамон,

Ҳамон тунлар кўз ёш тўкарсан гирён.

Қайғурма, биз ҳамон ўйнаймиз футбол,

Фақат мовий осмон  – бизнинг стадион.

 

Чимзорда ўйнайди, ўйнайди шамол,

Тўп учар, тўп учар бамисли хаёл.

Нақадар зўр зарба дарвоза томон,

Ҳаётни гол билан ютади футбол.

 

                                                     Рус тилидан Рустам МУСУРМОН

                                                     таржимаси.

Сайт бўлими: Адабий ҳаёт, Ўзбек шеърияти, Янгиликлар

Қўшимча:

Барно Солиева: Кўзларимдан тўкилса соғинч… Барно Солиева: Кўзларимдан тўкилса соғинч…
Кутаётир онам, ВАТАНИМ! Кутаётир онам, ВАТАНИМ!
Неъмат Аминов хотирасига бағишланган кеча ўтказилади Неъмат Аминов хотирасига бағишланган кеча ўтказилади
Фарғонада интиқлик билан кутилган маҳорат сабоғи Фарғонада интиқлик билан кутилган маҳорат сабоғи