"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

Халқ шоири Термиз давлат университетида учрашув ўтказди

Ўқилди: 94

Халқ шоири Термиз давлат университетида учрашув ўтказди

Термиз давлат университетида Ўзбекистон Ёзувчилар уюшмаси раиси, Ўзбекистон халқ шоири Сирожиддин Саидов билан адабий учрашув бўлиб ўтди.

Профессор-ўқитувчилар, талаба-ёшлар, адабиёт мухлислари иштирок этган тадбирда мамлакатимизда аҳоли, айниқса, ёшларнинг китоб мутолааси ва китобхонлик маданиятини юксалтириш, уларда Ватанга муҳаббат, миллий қадриятларимизга ҳурмат туйғусини юксалтиришга қаратилаётган эьтибор ижодкорларни янги ғоя ва мақсадлар сари илҳомлантираётгани таъкидланди.

Юртимизда юз бераётган ўзгариш ва янгиланишлар барча соҳалар қаторида адабиёт ва санъатда ҳам ўз ифодасини топмоқда. Шоир ва ёзувчилар, ёш ижодкорларни ҳар томонлама қўллаб-қувватлаш, китобларини бепул чоп этиш, уй-жой ва бошқа ижтимоий муаммоларини ҳал қилиш, рағбатлантириш борасида кўрсатилаётган ғамхўрликлар бунга яққол мисолдир.

Тадбирда Ёзувчилар уюшмаси раиси мамлакатимизда юз бераётган янгиликлар ва уларни акс эттиришда шоир-ёзувчиларнинг ўрни, бугунги адабий муҳит ҳақида атрофлича фикр юритди. Иштирокчиларни қизиқтирган саволларга жавоб қайтарди. Янги шеърларидан намуналар ўқиди.

Термиз давлат университети ахборот-ресурс марказига ва бир гуруҳ талабаларга турли китоблар совға қилинди.

5.jpg
Холмўмин Маматрайимов, Жонибек Қўзимуродов (сурат), ЎзА
Сайт бўлими: Янгиликлар

Қўшимча:

Буюк адибнинг 90 йиллиги муносиб нишонланди Буюк адибнинг 90 йиллиги муносиб нишонланди
Жаҳон адиблари Чингиз Айтматов ҳақида Жаҳон адиблари Чингиз Айтматов ҳақида
Буюк адибга эҳтиром рамзи Буюк адибга эҳтиром рамзи
Шоир Ҳамид Олимжонни хотирлаб Шоир Ҳамид Олимжонни хотирлаб