"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

Яхшиси ҳам, ёмони ҳам тил (эртак)

Ўқилди: 688

Кунлардан бир куни подшо вазирга:
— Менга дунёда энг яхши гўштдан кабоб қилиб келтиринг, — дебди.
Вазир боши қотиб уйига келибди, «энг яхши гўшт қайси молнинг гўшти экан?»—деб роса ўйлабди. У хуноб бўлиб ўтирган экан, қизи:
— Отажон, нимадан хафасиз, ёки подшодан ёмонроқ гап эшитдингизми? — деб сўрабди.
— Қизим, подшо менга, энг яхши гўштдан кабоб буюрдилар, ниманинг гўшти яхши ва ширин эканлигини билмай бошим қотиб турибди, — дебди вазир.
— Шунга ҳам ота гўри қозихонами? Битта қўйни сўйдиринг-да, тилини кабоб қилиб олиб боринг, гуноҳкор қилса мен кафил, — дебди қизи.
Вазир қизининг гапи билаи бир қўйни сўйдириб унинг тилини кабоб қилиб, подшонинг олдига киритган экан, подшо вазирга қараб:
— Энди энг ёмон гўштдан кабоб қилиб келтиринг, — дебди.
Вазир яна қизининг олдига келиб:
— Қизим, яхшисини қилдик, қутулдик, ёмони қайси гўшт? — дебди. Қизи:
— Яна бир қўйни сўйдиринг-да, тилини кабоб қилиб олиб боринг, — дебди.
Вазир яна шундай қилиб подшонинг олдига киритган экан, подшо айтибди:
— Қилган ишингиз жойида, бу сизнинг яхши билимдон эканлигингиздан далолат беради, — деса, вазир:
— Тақсир, гуноҳимдан ўтсангиз тўғрисини айтай, — дебди ва подшога бу ишни кимнинг ақли билан қилганини айтибди. Шунда подшо вазирнинг қизини чақириб:
— Қизим, нима учун тилни ҳам ёмон, ҳам яхши гўштларга санадингиз? —  дебди. Шунда қиз:
— Подшоҳим, кишининг бошига яхшилик ҳам, ёмонлик ҳам тилдан келади. Элда бир мақол бор: «Тиш тилнинг қалъаси, тил бошнинг балоси». Бу гапни эшитиб подшо вазирнинг қизига ажойиб бир боғ инъом этган экан.

Сайт бўлими: Ўзбек халқ оғзаки ижоди

Қўшимча:

Ўзбекистон Миллий кутубхонасида “Звезда Востока” журналининг 85 йиллигига бағишланган тадбир бўлиб ўтди Ўзбекистон Миллий кутубхонасида “Звезда Востока” журналининг 85 йиллигига бағишланган тадбир бўлиб ўтди
Александр ФАЙНБЕРГ, Ўзбекистон халқ шоири Александр ФАЙНБЕРГ, Ўзбекистон халқ шоири
СИРОЖИДДИН САЙЙИД  (1958) СИРОЖИДДИН САЙЙИД (1958)
САМАРҚАНДДА КЎЧМА ЙИҒИЛИШ САМАРҚАНДДА КЎЧМА ЙИҒИЛИШ