"Ҳеч тўхтамасдан ҳаракат қилуб турғон вужудимизга, танимизга сув-ҳаво не қадар зарур бўлса, маишат йўлида ҳар хил қора кирлар ила кирланган руҳимиз учун ҳам шул қадар адабиёт керакдир. Адабиёт яшаса — миллат яшар".     Абдулҳамид Чўлпон

Madina Baxshilloyeva . Ingliz tilidagi she’rlardan tarjimalar

Ўқилди: 1 095

1. Alvido quyoshim

Kristall Sherrif

Sen ufq kabi ketyapsan cho`kib,
Zulmatga singmoqda kunlarim.
Tonglarim tutilar siniqib,
Falakning ishimi g`amlarim?!
Qayg`uga belangan har narsa,
Yurakka sanchilgan bir nayza.

2. Sarob
Tomas Hud

Qo`llarimiz tutashgandi, yuraklar emas,
Endi qayta ko`rishmagay u botir qo`llar.
Qalbimizda bo`lganida qandaydir bir sas-
Jonim, kesishmay qolmasdi biz tomon yo`llar…
Qachonlardir sizni sevdim bo`lib ishqda mast,
Angladimki, behudadir endi bu o`ylar.
Qo`llarimiz tutashgandi, yuraklar emas-
Demak, qayta uchrashmagay u botir qo`llar!
3. Yolg`izlik
Maya Angelo

Tunovgi oqshom ham o`zimni,
Aldadim yolg`onchi o`y bilan.
Sen qachon qalbimga kirganding
Angladim…
Qay tashna dil bilan?
Tosh emas edim-ku, bu qadar,
Eng baland osmonda turardim.
Ishonmas edim-ku, bu xatar-
Hech kimlik, yolg’izlik!..
Bilardim-
Qutqara olmaydi bu g`amdan,
Yo`qsizlik va yolg`iz olamdan.
Hech kimsa,
Hech bitta,
Bir odam-
Qutqara olmaydi bu g`amdan!
Qanday boylik ona mehrini
Bera olar ekan ayt, sotib,
Farzandning bir chimdim kulgusi-
Ketmasmi, toshlarni eritib!?
Bilaman…
Hech kimsa, hech odam-
Qutqara olmaydi bu g`amdan.
Yolg`izlik va yolg`iz olamdan!
Tinglaysiz jimgina dardimni,
Boshimda bulutlar to`ladi.
Shamollar bir bo`lib dilimning-
Ustidan chaqmoqdek kuladi…
Eshitib qolaman nolasin,
Kelmaydi birov ham yonimga.
Yordam berolmaydi hech kimsa-
Tanholik singigan jonimga!
Qutqara olmaysiz bu g`amdan,
Yo`qsizlik va yolg`iz olamdan.
Hech kimsa,
Hech bitta,
Bir odam-
Qutqara olmaydi bu g`amdan,
Yolg`izlik va yolg`iz olamdan!

Сайт бўлими: Адабий ҳаёт, Жаҳон шеърияти

Қўшимча:

Самарқанддан хабарлар: «Энг улуғ, энг азиз» кўрик-танловининг вилоят босқичи ўтказилди Самарқанддан хабарлар: «Энг улуғ, энг азиз» кўрик-танловининг вилоят босқичи ўтказилди
Қалбларни туташтирган адабиёт Қалбларни туташтирган адабиёт
Ижодкори қадрланган миллатнинг қадди баланд бўлади Ижодкори қадрланган миллатнинг қадди баланд бўлади
“ПАХТАКОР -79” футбол жамоаси хотирасига “ПАХТАКОР -79” футбол жамоаси хотирасига